80s Build up movie review

இப்படி வைக்கப்பட்டுள்ள அனைத்து அடல்ட் காமெடிகளும் முகம் சுழிக்கும் வண்ணமாகவே உள்ளது. ஜிப்ரான், டி.இமான் போன்று இசை அமைத்திருக்கிறார். பாடல்கள் ஓரளவு கேட்கும் வண்ணம் இருந்தது. இருப்பினும், கதைக்களம் சரியாக இல்லாததால் அதனை ரசிக்க முடியவில்லை. 80-களில் நடக்கும் கதைக்கு ஏற்றார்போல கலை இயக்கம் நன்றாக செய்திருக்கிறார்கள்.

அண்ணன்-தங்கை இடையிலான பந்தயம்தான் கதைக்கரு என்றால், அது தொடர்பான காட்சியை அழுத்தமாக திரைக்கதை ஆக்கப்பட்டு இருந்திருக்க வேண்டும். ஆனால், அது பெரிதளவிலான தாக்கத்தை ஏற்படுத்தவில்லை. ரஜினி-கமலை வைத்து செய்திருக்கும் காமெடி பெரிதாக சிரிக்க வைக்கவில்லை.

மஞ்சக்கிளி என்ற பெயரில் படத்தில் மூன்று பேர் வருகிறார்கள். ஒன்று தாத்தாவின் முன்னாள் காதலி, இதன் நினைவாக தனது பேத்திக்கு மஞ்சக்கிளி என பெயர் வைக்கிறார், மூன்றாவது வைரத்தை திருட வரும் ஆனந்தராஜ், மஞ்சக்கிளி என்ற பெயரிலே அறிமுகம் ஆகிறார்.

ஆனால், உண்மையான மஞ்சக்கிளி யார் என சொல்லும் காட்சி கொஞ்சம் காமெடியாக இருந்தது. நகைச்சுவை நடிகர்களை வைத்து இரட்டை அர்த்த வசனங்களுடன் படம் எடுத்தால், ரசிகர்களிடம் இருந்து கைதட்டல்கள் வரும் என்ற மனநிலையில் இருந்து முதலில் இயக்குனர்கள் வெளிவர வேண்டும்.

இந்தப் படத்தில் அழுத்தமில்லாத திரைக்கதை மற்றும் மேலோட்டமான எழுத்து ஆகியவை பெரிய குறையாக உள்ளது. மொத்தத்தில் இப்படம், சராசரிக்கும் குறைவுதான். இருப்பினும், கதை எல்லாம் வேண்டாம், சிரித்தாள் மட்டும் போதும் என நினைப்பவர்கள் இந்தப் படத்தைப் பார்க்கலாம்.