மார்க் ஆண்டனி விமர்சனம்

பெண்களை திட்டுவது, அவர்களை தவறாகப் பயன்படுத்துவது என்ற ஆதிக்கின் பார்முலாவையே மார்க் ஆண்டனி மாற்றி இருக்கிறது. எனவே, மார்க் ஆண்டனிதான் ஆதிக் ரவிச்சந்திரனின் படங்களிலேயே சிறந்த படமாக அமைந்து விட்டது. கதை சொல்லும் முறை, கதாபாத்திரத் தேர்வு, நடிப்பு, தொழில்நுட்பம் என அனைத்துமே கச்சிதமாக அமைந்துள்ளது.

எழுத்தில் அதிகமாக கவனம் செலுத்தி இருப்பது, படம் பார்க்கும்போதே தெரிகிறது. இரண்டு நண்பர்களுக்கு இடையிலான ஒரு பழிவாங்கும் கதையில், சென்டிமென்ட்டும் உள்ளது. ஆனால், அந்த கதையை திரைக்கதையாக்கிய விதம், ரசிகர்களுக்கு பக்கா எண்டர்டெயின்மென்ட்டை அளிக்கிறது. பொதுவான ஒரு ரசிகர் எதனை எல்லாம் விரும்புவார்களோ, அவை அனைத்தையும் பேக் செய்து ஒரு முழுமையான பொழுதுபோக்கு அம்சமாக படத்தைக் கொடுத்திருக்கிறார்கள்.

ஏனென்றால், படம் முழுவதும் தொய்வின்றி செல்வதற்கு ஏற்ற திரைக்கதை அமைக்கப்பட்டுள்ளது. ரெட்ரோ காட்சிகளோடு ஒரு முழுமையான பொழுதுபோக்கு அம்சத்தோடு இப்படம் அமைந்துள்ளது. அதிலும், அதிகமான 90ஸ் காட்சிகள் வைக்கப்பட்டுள்ளன. குறிப்பாக, விஷாலுக்கு அனகோண்டா உதாரணம் படத்தின் இரு இடங்களில் உள்ளது. படத்தில் எஸ்.ஜே.சூர்யாவுக்கு அதிக எதிர்பார்ப்பு ஏற்படுவதற்கு படத்தின் டிரைலர்தான் காரணம்.

எனவே, டிரைலரில் எதிர்பார்க்க வைத்த அனைத்தும் படத்திலும் உள்ளது. அதிலும், இது என்ன வகையினாலான படம் என்று கண்டறிய முடியாத அளவிற்கு, படம் முழுவதும் மசாலாவாக உள்ளது. இப்படம் நவீனமாக இருந்தாலும், கடந்த தலைமுறைக்கும், புதிய தலைமுறைக்கும் ஏற்றார்போல இதன் கலவையை மிக நேர்த்தியாக கொடுத்திருக்கிறார்கள். மொத்தத்தில், மார்க் ஆண்டனி, தமிழ் சினிமா ரசிகர்களுக்கு புதுமையாக இருக்கும்.

இதனிடையே, படத்தில் குறைகள் இல்லையா எனக் கேட்டால், குறைகள் இருந்தாலும் அதனை படம் முடியும் வரை, அது ரசிகர்களுக்கு தெரியாதபடி கொண்டு செல்வதுதான் முக்கியம். அதனை மார்க் ஆண்டனி நிறைவு செய்திருக்கிறது.